كنت معدية من قدام فترينة مضلمة ولمحت فستان على منيكان... الفستان كان حلو بس المنيكان كانت حامل!
الفستان بقى للحوامل أو للأفراح والليالي الملاح.
راح فين الفستان... الطويل والقصير, البليسيه والإيفازيه, الدنتيل والكتان... فين الجاكيت الكروشيه!
فستان جميل بألوان باستيل, منقط مخطط أو حتة كارو, وحشنى الفسنان...
إختفاء الفستان هو دليل على إختفاء إحساسنا بأنوثتنا...
منظر البودجي وتحتشي الكارينا بقى قبيح!!! و جوب جينز مجرجرا فالأرض و مقرفة!!!
إيه ده! أنا زى مأكون نسيت إنى أنثى... ما طبعا لازم أنسى و أنا كل يوم في إحتكاك مستمر مع أشكال و ألوان من ال"رجالة" ال تقريبا إنقرضه زيك يا فستان... عملين زى الكلاب الصعرانة, و طبعا فى حال زي ده البنت مننا لو إتعملت بأنوثة تبقى فتحت على نفسها أوسع أبوابك يا جهنم!
يعنى أنا بقيت ألاحظ إن أى بنت لما تروح تشترى تذكرة مترو بتكشر و قال إيه جد و مركزة... فى حين إن الإبتسامه صدقة, لكن للأسف إحنا جرى العرف عندنا إن البنت التمشى زى العسكرى والشاويش تبقى هى دى البنت الكويسة المئدبة ال بميت راجل!!!
مين الله يجازيه القال إن البنت لازم تبقى بميت راجل.. مين؟!!
مبدأ قضى على الإبتسامة و أدى إلى إختفاء الفستان...
Subscribe to:
Post Comments (Atom)
3 comments:
اولا انا مبسوطة انك بتكتبي بالعربي
سامعة صوتك فيه :)
ثانيا اااااااااه يا فستان
نفسي في فستان
او اعيش في الفترة ايلي كانت كلها فستان
فترة الخمسينات الستينات
اما الرجالة كانت معظمها رجالة
والبنات فستان :)
ياريت نرجع لزمن الفستان
اما البنت كانت حنينة وجميلة ورقيقة اصلها كانت محمية و ليها ظهر تسند عليه :)
اما دلوقت خلاص بقت اكسر للراجل ضلع يطلعله ..فستان !!للاسف
:)وانا قعدة اقرا كلامك ابتسمت يارب زمن الرجال و الفساتين يرجع
loool at aksr lel ragel del3 yetl3lo fostan :D loool
w ana kaman mabsoota if u just long how long this took me..!!! :S:S:S
bs am workin on it!
انا كمان مبسوطة انك بتكتبي بالعربي و مستغربة اوي.. لدرجة اني كنت فاكراه انك ناقلة الكلام كوبي و بيست من حتة تانية لحد ما قريت الله يجازيه.. قلت لأ دي بأه رنا :D
فعلا، اختفى الفستان و طغى الجينز على اللبس.. و على الحياة
Post a Comment